PSD file-ஐத் திறந்து layer-களைத் திருத்துவது எப்படி? தொடக்கநிலையாளர்களுக்கான வழிகாட்டி

ஒரு அழகான flex அல்லது அழைப்பிதழின் PSD file கிடைத்துவிட்டது. இப்போது அதில் உங்கள் பெயரையும் photo-வையும் மாற்ற வேண்டும். Photoshop-க்குப் புதியவர்களுக்கு இது முதலில் கொஞ்சம் குழப்பமாகத் தோன்றலாம். இந்த வழிகாட்டியில் PSD file-ஐத் திறப்பது முதல் அச்சுக்கு save செய்வது வரை பார்க்கலாம்.

PSD என்றால் என்ன?

PSD (Photoshop Document) என்பது Adobe Photoshop-ன் சொந்த file வகை. அதில் டிசைனின் ஒவ்வொரு பகுதியும் தனித்தனி layer-ஆக இருக்கும்: பின்னணி ஒரு layer, photo ஒரு layer, ஒவ்வொரு எழுத்து வரியும் ஒரு layer. அதனால் ஒரு பகுதியை மாற்றும்போது மற்றவை பாதிக்கப்படாது. மிகப் பெரிய டிசைன்கள் PSB (Large Document Format) ஆக இருக்கலாம்; அவையும் Photoshop-ல் அப்படியே திறக்கும்.

படி 1: Font-களை முதலில் தயார் செய்யுங்கள்

PSD-ஐத் திறக்கும் முன் இதைச் செய்தால் பாதிப் பிரச்சினைகள் தீரும். PSD-ல் பயன்படுத்திய font உங்கள் கணினியில் இல்லையென்றால், Photoshop "missing fonts" என்று எச்சரிக்கும்; எழுத்துகளைத் திருத்தும்போது அவை வேறு font-க்கு மாறிவிடும்.

Designee PSD library-ல் ஒவ்வொரு டிசைன் பக்கத்திலும் அதில் பயன்படுத்திய font-களின் பட்டியல் உள்ளது. அவற்றில் Google Fonts-ல் உள்ளவற்றை ஒரே இலவச ZIP-ஆக download செய்யலாம். ZIP-ஐ extract செய்து, ஒவ்வொரு font file-ஐயும் right-click செய்து Install அழுத்துங்கள். பிறகு Photoshop-ஐ மூடித் திறங்கள்.

பட்டியலில் உள்ள மற்ற font-கள் (பழைய legacy font-கள் போன்றவை) உங்களிடம் இல்லையென்றால், அந்த எழுத்து layer-களை Unicode font-ல் மீண்டும் தட்டச்சு செய்யுங்கள். பழைய உரையை மாற்ற font converter உதவும்.

படி 2: PSD-ஐத் திறங்கள்

1. Photoshop-ல் File → Open அழுத்தி PSD-ஐத் தேர்ந்தெடுங்கள்.
2. Layers panel தெரியவில்லையென்றால் Window → Layers (அல்லது F7).
3. Layer-கள் folder-களாக (groups) அடுக்கப்பட்டிருக்கும். ஒவ்வொரு folder-ஐயும் திறந்து என்ன இருக்கிறது என்று பாருங்கள். Layer-ன் இடப்பக்கம் உள்ள கண் (eye) ஐகான் அதைக் காட்டும்/மறைக்கும்.

படி 3: எழுத்துகளை மாற்றுங்கள்

1. Layers panel-ல் "T" ஐகான் உள்ள layer-கள் எழுத்து layer-கள்.
2. Type tool (T) தேர்ந்தெடுத்து, மாற்ற வேண்டிய எழுத்தின் மேல் click செய்யுங்கள்.
3. பழைய எழுத்தைத் தேர்ந்தெடுத்து, புதிய பெயரைத் தட்டச்சு செய்யுங்கள்.
4. தமிழ் Unicode எழுத்துகள் உடைந்து தெரிந்தால்: Edit → Preferences → Type-ல் "World-Ready Layout" (Middle Eastern and South Asian) தேர்ந்தெடுத்து, புதிய layer-ல் மீண்டும் தட்டச்சு செய்யுங்கள்.

படி 4: Photo-வை மாற்றுங்கள்

பல PSD-க்களில் photo இருக்கும் இடம் Smart Object அல்லது clipping mask-ஆக இருக்கும்.

• Smart Object: layer-ஐ double-click செய்தால் தனி window திறக்கும். அதில் புதிய photo-வை ஒட்டி, அளவைச் சரிசெய்து, save செய்து மூடுங்கள். முக்கிய டிசைனில் photo மாறியிருக்கும்.
• Clipping mask: பழைய photo layer-க்கு மேலே புதிய photo-வை வைத்து, Alt (Mac-ல் Option) அழுத்தியபடி இரண்டு layer-களுக்கும் நடுவே click செய்யுங்கள். புதிய photo அந்த வடிவத்துக்குள் அடங்கும்.

Photo-வின் பின்னணியை நீக்க வேண்டுமென்றால் Background remover பயன்படுத்தி PNG-ஆக எடுத்து வாருங்கள்.

படி 5: வண்ணங்களை மாற்றுங்கள்

• வண்ண வடிவங்களுக்கு (shape layers): layer thumbnail-ஐ double-click செய்து புதிய வண்ணம்.
• மற்றவற்றுக்கு: layer-ன் மேல் Hue/Saturation adjustment layer சேர்த்து முழு டிசைனின் வண்ணத்தையும் மாற்றலாம்.

படி 6: Save செய்யுங்கள்

1. முதலில் PSD ஆக save: File → Save As → புதிய பெயருடன். அசல் file-ஐ மாற்றாமல் வைத்திருங்கள்.
2. அச்சுக்கு: File → Save a Copy → PDF (Photoshop PDF). அல்லது அச்சகம் கேட்டால் உயர்தர JPG/TIFF.
3. WhatsApp-க்கு: File → Export → Export As → JPG, அளவைக் குறைத்து.

அச்சுக்கு அனுப்பும் முன் பிரிண்ட் ஷாப்புக்கு என்ன அனுப்ப வேண்டும் பட்டியலைப் பாருங்கள்.

Designee PSD library பற்றி

• 8,000-க்கும் மேற்பட்ட தமிழ் PSD டிசைன்கள்: flex, பிறந்தநாள், திருமணம், அரசியல், பண்டிகை, கடை.
• ஒவ்வொரு layer-ம் திருத்தக்கூடியது; file-கள் நாங்கள் பெற்றபடியே, மாற்றமின்றி வழங்கப்படுகின்றன.
• பெரும்பாலானவை PSD; சில பெரிய டிசைன்கள் PSB, TIFF அல்லது PNG ஆக இருக்கும். டிசைன் பக்கத்தில் format குறிப்பிடப்பட்டிருக்கும்.
• இலவச account-க்கு நாளொன்றுக்கு ஒரு PSD; Pro-வில் நாளொன்றுக்கு 30 PSD-க்களும் premium டிசைன்களும். விவரங்கள் pricing பக்கத்தில்.

Photoshop இல்லையா?

Photoshop இல்லாமலும் டிசைன் செய்யலாம்: Designee editor browser-லேயே வேலை செய்யும்; தமிழ் எழுத்துகள் சரியாக வரும், அச்சுக்குத் தயாரான PDF-ம் கிடைக்கும்.

சுருக்கம்

1. Font-களை முதலில் install செய்யுங்கள். 2. PSD-ஐத் திறந்து layer-களைப் பாருங்கள். 3. எழுத்து, 4. photo, 5. வண்ணம் மாற்றுங்கள். 6. புதிய பெயரில் save செய்து, அச்சுக்கு PDF எடுங்கள்.